第52章(第2/4 页)

仔耐洋钱，耐客气勿要嗄？”周兰道：“勿是瞒耐呀。为仔朱五少爷说，常恐耐晓得俚定仔亲，勿快活，教倪（要勿）说起。”双玉道：“故末无(女每)笑话哉！做我个客人多煞来里，就比仔朱五少爷再要好点也匆稀奇。阿怕我无拨人讨得去，啥个勿快活？”

周兰听说亦自失笑，方才将八月底朱淑人聘定黎篆鸿之女，尽情告诉了双玉。

双玉方才想起两月以来，时常听得双宝嘴里大老母长，大老母短，原来是调侃我的，心下重重恼怒，忍不住淌眼抹泪，渐放悲声。

周兰始酶自己失言，只见双玉又道：“我搭阿姐两家头，做个生意来孝敬耐无(女每)，无(女每)也匆曾说过倪一句邱话。我就气匆过双宝，双宝生意末一点无拨，拿倪两家头孝敬无(女每)个洋钱，买仔饭拨俚吃，买仔衣裳拨俚着，俚坐来浪无啥做。再要想出几花闲话说倪、笑倪、骂倪！”说着，“呜呜”的掩面而泣。周兰道：“双宝陆里敢骂耐？”

双玉便缕述双宝的风里言风里语，再添上两句重话装点逼真。气得周兰一叠声喊“双宝”。双宝战惕趋至。周兰不及审察，绰起烟枪兜头就打。却被双玉一手托住，劝道：“无(女每)（要勿）囗，耐故歇打仔双宝，晚歇拨双宝加二骂两声，无(女每)陆里晓得！倘然无(女每)喜欢双宝，也容易得势，让双宝原到楼浪去。我末说拨么二堂子里做伙计。无拨个人说我、骂我，我心里清爽点，也好巴结点做生意，孝敬耐无(女每)。”

周兰越发生气，丢下烟枪，问道：“我为啥喜欢双宝嗄？耐阿姐来浪说，倘忙有辰光生意忙勿过，教双宝代代局也无啥；勿然末，双宝早就出去哉（口宛）。我为啥喜欢双宝嗄？”双玉冷笑道：“无(女每)，耐嘴里末说‘让双宝出去末哉’，一径说到仔故歇，双宝原勿曾出去，倒勿是喜欢双宝？”周兰怒道：“故也匆要紧，明朝让双宝去，省得耐多说多话！”双玉道：“无(女每)（要勿）动气。我搭双宝才是无(女每)个讨人，无啥喜欢勿喜欢，就要出去末，等商量好仔再去，啥要紧嗄？”

周兰沉吟半晌，怒气稍平，喝退双宝，悄问双玉如何商量。双玉道：“无(女每)耐自家去算，双宝进来个身价，就算耐才豁脱仔，也不过三百洋钱。故欧双宝来里，生意末无拨，房间里用场倒同倪一样哚（口宛），几年算下来，阿是豁脱仔勿少哉？我替无(女每)算计，勿如让双宝出去个好。”周兰点点头。双玉又道：“阿姐个生意好，要双宝代局。我生意不过实概样式。双宝出去仔，倘然阿姐忙